Bin [iki] yüz on dört Ramazân'ı gurresinde nâyil-i Rütbe-i Mekke-i mükerreme olup, sâbıkā Şâm Kādısı olan Vîrânşehirli Hasan Efendi işbu Ramazân'ın yirmi beşinci günü ʿâlem ü ʿâlemiyândan ʿuzlet ve dâr-ı bekāya rıhlet eyledi. Mûmâ ileyhin ʿulûm-ı ʿâliye ve âliyyede vukūf u ıttılâʿı zâhir ü bedîd ve meclis-i akdesinden tâlib-i ders ü ifâde olanların ekseri feyz-yâb u müstefîd olup, esâs-ı ʿilmin rüknü ve şecer-i fazlın gusnü, maʿmûru'l-cevânib bir fâzıl-ı sütûde-menâkıb idi.