İşbu Şaʿbân-ı şerîf evâhırında ʿillet-i insıbâb, müşârun ileyhin maʿmûre-i vücûdunu harâb ve bu vesîle ile terk-i ʿâlem-i serîʿu'l-inkılâb edüp, rûz-ı vefâtının ferdâsı yevm-i Cumʿa Sultân Mehmed Hân Câmiʿi'nde cemm-i gafîr [V 159b] ve cemʿ-i kesîr ile nemâzı kılınup, Bağçe-kapusu'nda vâkiʿ pederi kitâb-hânesi hazîresinde mukaddemâ iʿdâd eylediği mezâr-ı pür-envâra idhâl ve hakkında sayyib-i tayyib-i ʿafv u gufrân istinzâl olundu. Li'l-Müverrih: Dürc-i cihânda bir dürr-i ʿâlem-behâ idi / Nihrîr-i vakt ve mâlik-i hüsn-i edâ idi / ʿİlm ü hünerde Râzî ve Vassâf'a taʿne-zen / Nutkunda darb-vâr idi, hâzır cevâb idi. Hattı, ʿİmâd'a fâyik idi. Tavr u şîvede esnâf-ı maʿrifet ana dâd-ı Hudâ idi.