İşbu şehr-i Rebîʿulâhır'ın on dördüncü Bâzâr günü gurûbdan bir sâʿat on dokuz dakīka bâkī kaldıkda, mâh-ı ziyâ-perdâz, ʿukde-i re’s-i Burc-ı Cedy'de tahte'l-arz inhisâfa âgāz edüp, yevm-i mezkûrun ferdâsı gurûbdan yedi dakīka murûrunda fevka'l-arz on iki usbuʿ farz u takdîr olunan cirm-i kamerden on bir buçuk usbuʿa karîb mikdârı münhasif ve der-ʿakab incilâya başlayup, bir sâʿat elli üç [V 133b] dakīka murûrunda temâmen müncelî vü münkeşif ve kulûb-ı nâsda hâsıl olan kalak u iztırâb munsarıf oldu.