Mîr-i mûmâ ileyh bundan akdem Şâm ve Haleb tevcîh emirlerini îsâle me'mûr ve matâyây-ı istiʿcâl ile ʿâzim-i savb-ı mezkûr olmuşidi. Mûmâ ileyhin bir müddetden berü hevây-ı Vezâret, mukaʿʿar-ı sımâhında cây-gîr ve bu matlaba vusûl içün şiddet-i inhimâkı zâhir ü gayr-i setîr olduğuna binâʾen, şehr-i Rebîʿulâhir'ın sekizinci günü Rütbe-i vâlây-ı Vezâret'le kadri terfîʿ ve vilâyeti olan Van muhâfazasına serîʿan iltihâkı içün ısdâr-ı tevkīʿ-i refîʿ kılınup, münhall olan mansıbı ile vekîl bulunan Sâlih Bey mesrûr ve ol dahi Mısır cânibine meʾmûr olup, Çukadâr Ağalık'dan muhrec Mustafa Ağa vekâlet ile nâyil-i ʿizz ü rifʿat oldu.