Bundan akdem binâsına şurûʿ olunan Cebe-hâne-i ʿâmire, himmet-i vâlâ-nehmet-i hazret-i Tâc-dârî ile ahsen-i nesak u metânet ve etemm-i istihkâm u resânet ile resîde-i hayyiz-i gāyet ve işbu şehr-i Rebîʿulâhır evâhırında Cebeci Ocağı, alay ile mahall-i mezkûra nakl ve daʿavât-ı hayriyye-i Şâhâne'yi küngüre-i çarh-ı esîre vasl eylediler. Emr-i binâya me'mûr Haremeyn Muhâsebecisi Mehmed Emîn Efendi'nin saʿyi meşkûr olduğuna binâ'en, huzûr-ı Sadru's-sudûr'da hilʿat-i semmûr ile mesrûr ve çekdiği zahmet ü emek zâyiʿ olmayup, harâbe-zâr-ı emeli dest-yârî-yi miʿmâr-ı iltifât-ı devlet ile maʿmûr oldu.