İşbu şehr-i Rebîʿulevvel'in on ikinci günü kānûn-i kadîm üzere Sultân Ahmed Câmiʿi'nde vüzerây-ı ʿizâm ve ʿulemây-ı kirâm ve sâyir huzûrları muʿtâd olan ricâl-i devlet ve Ocağ ağaları hâzır ve Şehriyâr-ı hamîdü'l-me'âsir dâme fî ʿavni [V 124b] 'l-Meliki'l-Kādir hazretleri dahi debdebe-i Mülûkâne'leriyle [Ü4 265b] mahfil-i hümâyûnlarına nüzûl hengâmında, hânendegân-ı nazm-ı Mevlid-i şerîf, hüsn-i savt ile kırâ'ate âgāz u mübâşeret ve cümleye ifâza-i rûhâniyyet-i hayr u bereket eylediler.