Şehr-i şerîf-i Ramazân, resîde-i serhadd-i gāyet ve leyletü'l-ʿîd olan Cumʿa gicesi vüzerây-ı ʿizâm ve ʿulemây-ı aʿlâm ve kâffe-i erkân-ı Devlet-i ebed-kıyâm, Serây-ı hümâyûn'da ʿakd-i encümen-i cemʿiyyet edüp, infilâk-ı fecr-i sâdıkda mühr-i ʿâlem-tâb-ı Saltanat ve bedr-i ufk-ı Hılâfet, [mısra]: Gûyî ki cihân zi-talʿateş peydâ şod zemzemesiyle serîr-i [V 114a] şevket-masîr-i Husrevâne'lerine pây-endâz-ı şevket ü iclâl ve aʿlâm-ı devlet ve erkân-ı Saltanat tebrîk-i ʿîd zımnında âstîn-i meymenet-karîn-i Şâhâne'lerine rû-nihâde-i ibtihâl [Ü4 247b] olup, muʿâyede hıtâmında ber-muʿtâd-ı kadîm Sultân Ahmed Câmiʿ-i şerîfi'ne tahrîk-i semend-i rağbet ve salât-ı ʿîdi baʿde'l-edâ Serây-ı hümâyûn'larına ʿavdet buyurdular.