Kapudan Paşa Ak-deniz'den ʿavdetinde Mora kalʿalarının mühimmât ve neferâtdan huluvvünü ve Vâlîsi olan Kāyim-makām-ı sâbık Vezîr es-Seyyid Mustafa Paşa'nın serhadler ahvâline tekayyüd ü ihtimâm etmediğini ʿâlem-i bâlâya ilkā ve ʿazlini teşvîk u igrâ eylediğine binâ'en, şehr-i Ramazân'ın on ikinci günü Rumeli'nden munfasıl ve Vezîr Vânî Mehmed Paşa'ya Mora Eyâleti tevcîh ü ihsân ve halefi varıncaya dek selefi ʿazl olunmamış gibi Mora'da ikāmet ve vâkiʿ olan umûr-ı ʿibâdı ruʾyet eylemek bâbında ısdâr-ı emr-i ʿâlî-şân kılındı.