Kethudâ Bey Kâtibi olan ʿAbdî Bey'in müddet-i kitâbeti mütemâdî ve yerine âharın nasbı sebeb-i ʿâdî olup, mâh-ı mezkûr evâsıtında mûmâ ileyh maʿzûl ve hânesinde ikāmet ile duʿây-ı devlete meşgûl oldu. Mektûbî Kalemi'nde ser-âmed-i hulefâ ve umûr-ı mühimme tahrîriyle şöhret-nümâ olan İbrâhîm Bey, bu hıdmete ahrâ görülüp, Kethudâ Bey'e Kâtib ve dest-âver-i ehass-ı metâlib oldu.