Beher sâl cânib-i Hicâz'a ihrâcı tasmîm olunan Surre-i hümâyûn işbu Recebü'l-ferdin on üçüncü günü mukaddemâ Surre Emîni nasb olunan İznikli Kapucu-başı ʿOsmân Bey'e teslîm olunup, Şerîf-i Mekke cenâbları bu sene mesârıfa dûçâr olduğundan, menşûr u hilʿat îsâl edecek Haftân Ağası'na hıdmet iʿtâsıyla sıklet çekmamek husûsu tesvîg ve Haftân Ağalığı bu ʿillete mebnî bir kimseye sipâriş olunmayup, teşrîfât-ı ʿâdî Surre Emîni yediyle teblîğ irâde olunduğundan başka, Cidde'yi muhâfazada bezl-i cân ve sarf-ı tâb ü tüvân eden Vezîr Şerîf Paşa'ya dahi bu defʿa taraf-ı Cihân-dârî'den lutfen ve keremen irsâl buyurulan kılıc ve haftân ve tahsîni şâmil fermân-ı celîlü'ş-şân tahfîf-i haml-i hidmet kasdıyla mûmâ ileyhe verilüp, evâsıt-ı şehr-i mezkûrda cânib-i Hicâz'a sevk-ı cemmâze eyledi.