Şehriyâr-ı zemân [Ü4 224a – V 95a] dâme fî hifzi'l-Meliki'l-Mennân hazretleri bir müddetden berü Beşiktaş Serâyı'nda ve müceddeden binâ olunan Mâbeyn-i hümâyûn ve Çırağan Sâhil-hânesi'nde ʿizz ü ihtişâm ile ârâm ve tebdîl-i hevâ ile kesb-i inbisât-ı tâmm buyurup, eyyâm-ı latîf-i harîf ekser-i ahyânda iʿtidâl üzere murûr eder iken, bi-hikmetillâhi Teʿâlâ bu sâl-i ʿibret-iştimâlde rûzgârlarda şiddet ve bârânda kesret olmak hasebiyle mevsim-i sermâ hâletleri rû-nümâ ve Serây-ı dil-güşây-ı hümâyûn'a meyl-i nakl ü hareket, tabʿ-ı meʿâlî-nebʿ-i Mülûkâne'de hüveydâ olmağla, işbu Cumâdelâhıre'nin on ikinci günü bi's-saʿâde ve'l-ikbâl Serây-ı ʿâmire'ye sâye-efgen-i şevket ü iclâl oldular.