Kul Kethudâlığı'yla Vidin tarafına bundan akdem me'mûr olup, inkızây-ı maslahat ile bu tarafa 'avdet ve Çorlu'ya vusûlünde ‘azl ile dil-rîş-i nîş-i mağdûriyyet olup, hâline merhameten Tekfûrdağı Ağalığı ‘uhdesine tefvîz olunmuşidi. Ağa-yı mûmâ ileyh ihtiyâr u müsinn ve umûr-ı Ocağ-ı ‘âmire'de mütefennin bir merd-i maʿrûf u müteʿayyin olduğuna binâ'en, mukaddemâ Yeniçeri Ağalığı'ndan maʿzûl ve Tekfürdağı'nda du'ây-ı Şâhâne'ye meşgül olan Mehmed Ağa ile kerem-i ülfet ü ihtilât ve miyânelerinde vesîka-i ‘uhûd-i karîn-i irtibât olup, Ağa-yı mûmâ ileyh sâyik-ı takdîr ile Yeniçeri Ağası nasb olundukda, mûmâ ileyhin hıdemât-ı sabıkasını şifâhen tefhîm ve Segbân-başılık ile bekâm olmak niyâzını takdîm edüp, niyâzı karîn-i isʿâf ve Tekfürdağı'ndan getürdilüp, işbu Cumâdelâhıre gurresinde Bozacı-zâde ‘azlinden Segbân-başılık ile mazhar-ı eltâf kılındı. [Ü4 214a – V 85a]