Defterdâr-ı ʿasr bulunan Tahsîn Hasan Efendi'nin baʿzı esbâb ile ʿazli îcâb [Ü4 205b] ve mukaddemâ Rikâb Defterdârı ve el-yevm Tevkīʿî olan es-Seyyid Feyzullah Efendi, bu hıdmet-i cesîmeyi idârede meleke vü kābiliyyet iktisâb etmiş bulunduğundan, işbu Saferü'l-hayrın on ikinci Hamîs günü Tahsîn Efendi ʿazl ve yerine mûmâ ileyh vasl olunup, maʿzûl-i mârru'z-zikrin vakti hâdis ve dâire vü hâline gereği gibi nizâm veremediği rikkat ü merhamet-i evliyây-ı devlete bâʿis olup, Seyyid Mehmed Efendi ʿazlinden Hubûbât Nezâreti'yle iʿzâz ve mûmâ ileyhin bilâ-sebeb ʿazli, revâ-dâşte-i tabʿ-ı Sadr-ı bende-nüvâz olmadığına binâʾen, ol dahi Tevkīʿlik [V 77a] câh-ı refîʿî ile ser-efrâz kılındı.
ʿAzl-i Defterdâr-ı Şıkk-ı Evvel ve Nâzır-ı Hubûbât ve Tevkīʿî-şüden-i es-Seyyid Mehmed Efendi
Attribution
- Citation:
- "ʿAzl-i Defterdâr-ı Şıkk-ı Evvel ve Nâzır-ı Hubûbât ve Tevkīʿî-şüden-i es-Seyyid Mehmed Efendi", Ottoman Text Corpus, Merve Tekgürler, https://mervetekgurler.github.io/ottoman_text_corpus_website/items/ave1794_822.html
Item Details
- Title:
- ʿAzl-i Defterdâr-ı Şıkk-ı Evvel ve Nâzır-ı Hubûbât ve Tevkīʿî-şüden-i es-Seyyid Mehmed Efendi
- Creator:
- Ahmed Vâsıf Efendi
- Date Created:
- 1218
- Source:
- Hüseyin Sarıkaya
- Format:
- text/plain
- Language:
- ota