Mûmâ ileyh her ne kadar cesûr u bî-bâk ve merd-i zeber-dest ü çâlâk olduğu ma'lûm-ı erbâb-ı idrâk olmuş ise de, gadr u tamaʿ ile meşhûr ve hiddet ü fazâzet-i tabʿ ile hilye-i hilm ü enâtdan mehcûr olduğundan başka, Segbân-başı'yı bilâ-cürm ü cinâyet ʿazl ile üftâde-i çâh-ı mağdûriyyet eylemesi, idbârını mûcib ve sebeble hakkında nâr-ı gayz u nefret mültehib olup, Safer'in on dördüncü günü ʿazl ü iclâ ve Tekfürdağı'nda mukīm ve mukaddemâ beş sene kadar Yeniçeri Ağalığı edüp, hüsn-i sülûku maʿlûm-i Şehriyâr-ı cemm-i hadîm olan Tokādî Mustafa Ağa, o câh-ı bülend ile tekrîm olundu.