Re'îsü'l-ʿulemâ olan Velî Efendi-zâde Mehmed Emîn Efendi sudûr-ı kirâma şâyeste olmayan harekât ile iştihârı refte refte resîde-i semʿ-i eşref-i hazret-i Tâc-dârî olduğundan başka, bir müddetden berü cenâb-ı Fetvâ-penâhî ile vukūʿ bulan muʿâraza vü münâkaşası resîde-i hadd-i tenâhî olup, [mısra]: Tabʿ-ı sahtı, nâr-ı gurbet nerm eder âhen gibi mefhûmu üzere telyîn-i ʿarîke-i sevreti zımnında bir mahalle tağrîbi bâ-telhîs ʿarz u inhâ ve mûcebince mâh-ı Zilhicce'nin yirminci günü Burusa'ya nefy ü iclâ olundu. [Ü4 183a]