İstanbul Kadısı ʿÖmer Efendi-zâde Süleymân Efendi, müddet-i ʿörfiyyesini ikmâl ve Zilhicce'nin on beşinci gününden zabt etmek üzere Müftî-zâde İbrâhîm Efendi o câh-ı bülend ile kesb-i dest-mâye-i ikbâl edüp, Mısr-ı Kāhire Kadısı'nın dahi inkızây-ı müddet-i hükûmeti mütekārib ve buʿd-ı mesâfe sebebi ile şimdiden tevcîhi münâsib olduğundan, sâbıkā Kuds-i şerîf Kadısı es-Seyyid Ahmed Efendi'ye iki yüz on sekiz senesi Cemâziyelâhire'si gurresinden mutasarrıf olmak üzere hükûmet-i Kāhire ʿinâyet ü ihsân ve bu vesîle ile mûmâ ileyh minnet-dâr-ı lutf-ı bî-pâyân kılındı.