Mâh-ı sıyâm, resîde-i hayyiz-i encâm ve leyletü'l-ʿîd, erkân-ı devlet bi'l-cümle Serây-ı hümâyûn'da müctemaʿ olup, ʿale's-seher Şehriyâr-ı melek-peyker, mânend-i hûrşîd-i enver, ufk-ı Saltanat'dan tâliʿ ve duʿây-ı serhengân, müşennef-sâz-ı mesâmiʿ olup, ibtidâ Sadr-ı sütûde-şiyem dâmen-bûs-ı Şâhâne ile [Ü4 171b] dil-şâd u hurrem ve sâyir vüzerâ ve ricâl-i devlet ve Ocağlu telsîm-i âstîn ile sunûf-ı mübâhâte karîn oldukdan sonra, Şeyhulislâm ve sudûr-ı kirâm ve mevâlî ve müderrisîn ʿalâ-merâtibihim takbîl-i dâmen ü zeyl ile şâd-kâm ve resm-i tehniyyet-i ʿîd hıtâmında [V 45b] Şehinşâh-ı ʿâlem-penâh dâme fî hifzi'l-İlâh hazretleri ol rûz-ı fîrûza mahsûs âlây-ı dilârâ ile Sultân Ahmed Câmiʿ-i şerîfi'ne ikbâl ve edây-ı salâtdan sonra, Serây-ı dil-güşâlarına imâle-i licâm-ı şevket ü iclâl eylediler.