Diyarbekir'in dâhil ü hâricinde baʿzı ehl-i fesâd melʿanetden hâlî olmayup, Vâlîsi olan Vezîr Zühdî İsmâʿîl Paşa'nın defʿ-i ihtilâl ü mefsedete ʿadem-i iktidârı ʿazlini îcâb ve Sivas Vâlîsi Vezîr Mustafa Paşa'nın o makūleleri teʾdîb ü gûşmâl ile istısfây-ı memlekete oldukça kudret-yâb olduğu, mahsûs-ı Sadr-ı vâlâ-cenâb olmağla, baʿde'l-istîzân işbu Cumâdelûlâ evâsıtında Diyarbekir, müşârun ileyhe ve Sivas, selefi Zühdî Paşa'ya tevcîh olunup, suver-i me'mûriyyetleri taraflarına ifâde vü işrâb olundu.