Vidin Muhâfızı Vezîr ʿOsmân Paşa'nın Vezâret'i ibkā ve bu sebeble memleket-i Eflâk istısfâ olunup, Voyvoda nasbı iktizâ etmişidi. Mukaddemâ Boğdan Voyvodalığı'nda istikāmeti mücerreb ve kavmi beyninde hüner ü dürbet ile müntehab olan İpsilanti Aleksandra'nın oğlu Kostantin, işbu Cumâdelûlâ'nın ikinci Salı günü Eflâk Voyvodalığı ile kâm-bîn olup, mukaddemâ vâkiʿ olan ihtilâl hasebiyle Eflâk'a celb olunan Boğdan Voyvodası dahi, Boğdan'a ʿavdet ve zabt u hirâset-i memleket etmek bâbında merkūma hitâben ısdâr-ı emr-i celîlü'l-iʿtibâr kılındı. [V 12a]