Şehr-i Rebîʿulâhır'ın selhi yevm-i Ahad sâʿat-i nehârî birde iken, nâ-gâh cevv-i semâ muzlim ve ziyây-ı şems münʿadim olup, birkaç defʿa savt-ı hâyil-i raʿd tarrâkasıyla zemîn ü âsumân lerzân ve kâffe-i nâs bu ʿalâmet-i bâhirü'l-bürhân sebebi ile tersân olup, baʿzı mürtefiʿ mahallere ve Sultân Ahmed Câmiʿi menâresine sâʿika nâzil ve şiddet-i te'essür hâsıl oldu. “Sübhâne men yuhavvifü'l-ʿibâde bi-kudretihi'l-kāhire ve yüleyyinü kulûbe'l-kāsiyeti bi-âsâri ceberûtihi'l-bâhire”