Mukaddemâ zikr ü beyân olunduğu vech üzere müşârun ileyh ecânib ü ekārib vâsıtalarıyla dâmen-i ʿafv u safh-ı Şâhâne'ye dest-zen-i ibtihâl ve etrâfa teslît eylediği haşerâtı celb ile ser-fürû-bürde-i meskenet ü istizlâl olmuşidi. Sadr-ı vâlâ-cenâb Âsitâne-i saʿâdet'e pânihâde-i iyâb olduklarında, mâdde-i ʿafv âhar tarafdan istidʿâ ile müsâʿadeye iztırâr mess etmekden ise bedâhet, taraf-ı bahirü'ş-şereflerinden recâ ve Vezâret'i ibkā müstahsen ü evlâ görülmekle, binâʾen-ʿalâ-zâlik keyfiyyet-i mezbûre Rikâb-ı kamer-tâb-ı Husrevâne'ye mukaddimât-ı rikkat-engîz ile ʿarz u beyân ve iltizâm-ı muktezayât-ı eyyâm ile müsâʿade-i Hâkān-ı zemân nümâyân ve işbu Rebîʿulâhır evâsıtında baʿzı şurût ile câme-i Vezâret'i tecdîd ve Vidin muhâfazası kemâ-kân ʿuhdesine ihâle olunup, baʿde-ezîn rızây-ı devlete muhâlif vazʿ u hareketden dâmen-çîn-i ferâğ olması tenbîh-nâme-i Âsafî ile teʾkîd olundu.