Müşârun ileyhin mukaddemâ câme-i Vezâret'i tecdîd ve Edirne taraflarına ʿazîmet ü teveccühü te'kîd [V 11a] olunmuşidi. Kapusunu mehmâ-emken tanzîm ve Edirne Sahrâsı'na gelüp, hıyâm-ı ikāmeti tahyîm edüp, bir nemâlı mansıb istidʿâsıyla Dergâh-ı vâlâ'ya niyâz-nâme takdîm etmekle, şehr-i Rebîʿulevvel'in yirmi ikinci Hamîs günü müşârun ileyh Eğriboz Sancağı'yla manzûr ve hall-i İlâhî zuhûrunda dahi nemâlı bir mansıb ile mesrûr kılınacağı tarafına ifade olunup, muhavvel-i ʿuhde-i reviyyeti olan me'mûriyyetinde saʿy-i mahsûr eylemesi zımnında tarafına hitâben [Ü4 140a] ısdâr-ı menşûr kılındı.