Mûmâ ileyhin Belgrad'da olan fesâdâtı ve Üsküdâr Mevleviyyeti'ne tegallüben itâle-i dest-i mel'aneti hasebiyle bir takrîb bu tarafa isticlâb ve te'dîb ü takrîʿini îcâb etmişidi. Üsküdar'ın vakt-i zabtı mütekārib olduğu beyânıyla bu tarafa teveccühü husûsu mukaddemâ tarafına tahrîr olunduysa dahi, tebeʿât-ı sâbıkasını tezekkür ile beyne ikdâm ü ihcâm pâ-beste-i dâm-ı tehayyür ü evhâm olduğu tehakkuk edüp, mûcib-i emniyyet olur tedbîr ile vahşeti izâle vü tagyîr ve şehr-i mezkûr evâyilinde Âsitâne'ye gelüp, işâret-i cenâb-ı Fetvâ-penâhî'yle Rodos'a iclâ ve kalʿa-bend emri isdârıyla ʿibret-i erbâb-ı zeyg u hevâ kılındı.