Rûznâmçe'nin Hakkı Paşa ordusu Defterdârı Râşid Efendi'ye kerhen tevcîhi, mukaddemâ [V 8a] nakş-ı sahîfe-i beyân ve müşârun ileyhin ʿazliyle mansıb-ı mezkûrun ʿadem-i bekāsı güzâriş-pezîr-i sümût-i ezhân olmuşidi. Sedd-i İskenderiyye binâsı ve Dimyat ve Reşîd gümrükleri Emîni Sâlih Efendi'nin nüfûz u iʿtibârına medâr olur zuʿmuyla Rûznâmçe'nin mûmâ ileyhe tevcîhi, bir müddetden berü ashâb-ı hall ü ʿakd taraflarından ilkā ve işbu Rebîʿulevvel'in sekizinci günü mansıb-ı mezkûr Râşid Efendi'nin ʿazlinden mûmâ ileyhe tevcîh olunup, hilʿati Teşrîfâtî Efendi'ye iksâ olundu.