Dergâh-ı ʿâlî kapucu-başılarından bi'l-fiʿl Cebeci-başı olan Tosun Mehmed Ağa'nın kābiliyyet ü kemâli, maʿlûm-i hazret-i Sadr-ı ʿâlî olduğuna binâʾen, Sadr-ı esbak Yûsuf Paşa mahlûlünden Habeş Eyâleti ilhâkıyla Cidde Sancağı, bâ-Rütbe-i Vezâret tarafına tevcîh ü ʿinâyet olunmuşidi. Müşârun ileyh dâyiresine nizâm ile cânib-i Hicâz'a matıyye-rân-ı iʿtizâm olup, iskāt-ı ferîza-i hacc ʿakabinde sûy-ı ʿukbâya hırâm eyledi. Müşârun ileyh ʿan-asl tertîb ile nesh görmüş ve bahs ü cedele kudret kesb etmiş zevâtdan olduğu hâline vâkıf olanların [V 6a] maʿlûmu olduğundan gayri, me'mûr olduğu hidemât-ı Devlet-i ʿaliyye'de sadâkat ü istikāmeti zâhir ü beyyin ve seferlerde ifrâğ-ı cehd ü tâkat ile saʿy ü gayreti müteʿayyin olup, tahmînen altmış yaşına bülûğ hılâlinde vefât ve semere-i Vezâret'i müşâhede etmeden teslîm-i vedîʿa-i hayât eyledi.