Kudûm-i mevsim-i behâr ile hevâlar muʿtedil ve safha-i zemîn-i ezhâr-rengîn ile sahn-ı Bihişt'e muʿâdil olduğundan, “Tenakkal fe-lezzâtü'l-hevâ bi't-tenakkul” meʾâli mürtesem-i tabʿ-ı Şehinşâh-ı deryâ-dil olup, binâ-berîn işbu Muharremü'l-harâmın on sekizinci Cumʿa günü Serây-ı cedîd-i ʿâmire'den Beşiktâş Sâhil-serâyı'na sâye-endâz-ı ʿizz ü temkîn ve makdem-i hümâyûnlarıyla o cây-ı dil-güşâyı nümûne-nümây-ı huld-i berîn buyurdular.