Mâh-ı mezkûrun yirmi ikinci Bâzârertesi gicesi sâʿat dörtde iken Salma-tomruk Mahallesi'nde vâkiʿ Sultân Hammâmı karşusunda Atinalı-zâde Şeyh'ın menzili tahtında bir şahs-ı kefş-gerin dükkânından âteş zuhûr edüp, gitdikçe müştedd ve sâʿat sekize kadar mümtedd olup, yüz kadar hâne ve dükkân sûzân ve ʿavn-i hazret-i Sübhân ve saʿy ü iʿânet-i meʾmûrân ile muntafî olup, isâbet-i nârdan vâreste olanlar sipâs-güzârî-yi cenâb-ı Müsteʿân oldular.