Bir zemândan berü Eflâk Voyvodalığı'yla izhâr-ı sadâkat ve Pâsbân-oğlu tarafından Eflâk hudûduna tecâvüz eden muhâlifleri havze-i hükûmetinden ihrâc ile tenfîz-i evâmir-i Pâdişâhî'ye bezl-i gayret eden Aleksandra Voyvoda, maraz-ı nâgeh-zuhûr ile rencûr ve bu hâl ile idâre-i umûr edemeyeceği [Ü4 102a] ber-muktezây-ı sadâkat tarafından mastûr olmağla, mâh-ı Cumâdelâhire'nin on ikinci günü ʿazl olunup, gelüp hânesinde ikāmeti fermân ve birkaç defʿa Eflâk Voyvodası olan Mihal, tekrâr Voyvodalık ile ferhân kılınup, birkaç seneden berü Eflâk reʿâyâsı, Pâsbân-oğlu sebebi ile mutazarrır u müteʾllim ve himâye vü sıyânetleri lâzım olduğuna binâʾen, ehâlîyi tecrîm ü tagrîmden hazer etmek ve bu mukābelede Mübâşiriyye'den gayri mersûmdan ʿavâyid ü zevâyid alınmamak üzere sûret-i meʾmûriyyeti müʾekkeden tarafına ifâde ve bahran Varna'ya ve andan Eflâk'a firistâde olundu.