Livâdyalı Hasan Paşa-zâde Ahmed Bey Livâdya'dan hicret ve Hasekî'de vâkiʿ Monla Bey hânesini temellük ve ta'mîrine vâfir akça sarf ve emr-i binâ gāyet bulup, teneffüs ü istirahat edeceği vakit -ki Cumâdelûlâ'nın altıncı Erbiʿâ gicesi idi- hâne-i mezkûreden âteş-i cevvâle ser-nümâ ve hâne-i mezkûru ihrâk u ifnâ eylediğinden gayri, cenbinde vâkiʿ Velî Efendi-zâde Kethudâsı Saʿîd Efendi'nin ve Sultân Ahmed Şeyhı Şükür Efendi'nin ve bunlara muʿâdil birkaç kimsenin hânesi dahi muhterik u muzmahill olup, sabaha karîb fazl-ı Hakk mütebeyyin ve âteş-i serkeş sâkin ve kulûb-ı hâfika-i nâs mutma'inn oldu.