Eğriboz Sancağı'nda bir Vezîr-i Müşterî-tedbîr'in [Ü3 156b] bu esnâda vücudunu ekâbirân-ı devlet re'y ü tedbîr ve Rumeli Vâlîsi Vezîr Hakkı Paşa hazretleri dahi bu husûsu hâssaten tezkîr eylediğine binâ'en, livâ'-i mezbûr Kāyim-makām-ı sabık Ebûbekir Paşa'ya ve Hanya Sancağı dahi zîrde zikr ü beyân olunacak sebeb ile Vezîr ʿAlâ'eddîn Paşa'ya Cumâdelûlâ'nın dördüncü günü tevcîh olunup, ancak kesret-i mevâşî vü havâşîsini ʿillet ile istifâsını niyâz ü işâret eylediğinden, Karahisâr-ı sâhib Sancağı ber-vech-i arpalık tarafına tevcîh ü ʿinâyet olundu.