Müşârun ileyhin Kethudâlık hıdmetlerinde olan Husrev Ağa zâtında şecîʿ ü behâdır ve tehdîdini [Ü4 81b] îkāʿa kādir, hûşyâr u kâmil ve mü’eddeb ü ʿâkıl bir zât-ı cemîlü'l-hasâ'il olduğundan katʿ-ı nazar, erâzî-yi Mısrıyye'de vâkiʿ olan meʿârikde ibrâz-ı merdânegî vü sebât ve hasm-ı dîn ü devlete izâka-i zehrâbe-i memât eylediği müstefîz ü şâyiʿ ve Vezâret'e ehliyyeti gün gibi lâmiʿ olup, işbu Rebîʿulevvel evâyilinde ʿavâtıf-ı ʿaliyye-i Husrevâne'den mûmâ ileyhe Rütbe-i vâlâ-yı Vezâret ihsân ve İznikmid Sancağı mansıbı ile neyyir-i tâliʿi rahşân kılındı.