Mûmâ ileyh Nemçelü mâddesiyle Cezâyir'e taʿyîn ve lede'l-vusûl irâde-i Saltanat-ı seniyye'yi lâzım gelenlere ifâde vü tebyîn etmişidi. İgtinâm olunan eşyâ “Ehassü mine'l-habâbi fî cevfi'l-mâ” kabîlinden olup, ol dahi beyne'l-guzât münkasem ve reddinde kudret münʿadim olup, ancak Nemçelü'nün habbeyi kubbe etmek, muktezây-ı redâ'et-i tabîʿatları ve ekāvîl-i bâtıla ile müddeʿâlarına sûret vermek eski ʿâdetleri olup, kavl-i leyyin ve hitâb-ı heyyin ile mücâb olmayacağları bî-irtiyâb olmağla, mücerred Devlet-i ʿaliyye'yi tasdîʿâtlarından vikāye zımnında girü kalan esîrleri [Ü3 145b] ıtlak olunup, iddiʿâ eyledikleri eşyaya dahi bir bedel-i muʿtedil farz olunup, [Ü4 71b] iʿtâsında icmâʿ ve Efendi-yi mûmâ ileyhi ol vechile ircâʿ eylediler.