Aʿdel-i mevâsim ü eyyâm olan fasl-ı behâr, meşâmm-ı ʿâleme neşr-i nükhet-i ezhâr ve feyz-i rebîʿ-i bedîʿi âşikâr eylediğine binâʾen, cilve-gâh-ı hakāyık-ı eşyâ olan zamîr-i münîr-i Şehriyârî'de kesb-i hevâ vü tenezzüh içün ikbâl ü teveccüh zuhûr edüp, sânî-yi Sürremenre'a ve vâhid-i müntezihât-ı çâr-gâne-i dünyâ olan Serây-ı dilârây-ı Beşiktaş'ı işbu Muharrem'in on dokuzuncu yevm-i İsneyn kudûm-i meyâmin-lüzûmlarıyla reşk-sâz-ı cennetü'l-me'vâ buyurdular.