Vezîr-i müşârun ileyh bir müddetden berü ʿillet-i semen ve intifah ile giriftâr-ı şikence-i renc-i elîm ve muntasıf-ı Zilkaʿde'de nefsini mahalline teslîm ile kûşe-i hâmûşânda mukīm olup, ber-vech-i mâlikâne ʿuhdesinde olan Canik Sancağı şurût-ı mukarreresiyle oğlu Vezîr Tayyâr Mahmûd Paşa'ya tefvîz olunup, münhall olan Erzurum Eyâleti dahi o havâlîde tertîb-i levâzım-ı hısâm ve Şerîf Paşa'yı Ahısha Ülkesi'nden ihrâca saʿy ü ihtimâm üzere olan Vezîr Sâbit Paşa'ya tevcîh olunup, bu vesîle ile bâzû-yı me'mûriyyetine tâb ve bilâ-emr-i ʿâlî harekete cesâret eden şahs-ı lâ-yaʿkıla iztırâb verildi.