Bundan akdem Devlet-i ʿaliyye donanmasıyla Korfa muhâsarasında bulunan Rûsiyye sefâyini zuʿmlarınca hidmetlerini tetmîm ve bir buçuk seneden berü o havâlîde meks ü seyr sebebleriyle sefîneleri muhtâc-ı taʿmîr ü termîm [Ü4 20a] olup, Avlita [اولبته = Olita, Sivastopol] Lîmânı'na ʿavdetleri, devletleri tarafından tasmîm ve Devlet-i ʿaliyye irâde etdiği hâlde ber-muktezây-ı muʿâhede ʿavdet ve edây-ı hıdmet edeceklerini [Ü3 95a] resmen ifâde vü tefhîm etmişler idi. İşbu Cumâdelûlâ evâyilinde sefâyin-i mezkûre Ak-deniz Boğazı'ndan geçüp, Kum-kapu açıklarına vürûdunda, Devlet-i ʿaliyye tarafından taʿyînâtları ber-vech-i evfâ iʿtâ ve haklarında muʿâmele-i dostâne icrâ olunup, bu hâl ile memleketleri tarafına ser-cünbân-ı sükkân-ı istiʿcâl oldular.