İşbu Rebîʿulevvel'in on ikinci yevm-i Ahad huzûrları muʿtâd olan Sadr-nişîn-i Fetvâ ve Kāyim-makām Paşa hazerâtı ve sudûr-ı kirâm ve sâyir ʿulemây-ı aʿlâm ve ricâl-i devlet ve ocak ağaları Sultân Ahmed Câmiʿi'nde müctemiʿ oldukları hâlde Şehriyâr-ı âfâk dâme fî ʿavni'l-Hallâk arz-ı dîdâr-ı bâhirü'l-işrâk buyurup, hânendegân-ı Mevlid-i şerîf lahn-i latîf ile haber-i feyz-eser-i vilâdet-i Hayrü'l-beşer'i iʿâde ve dervâze-i bâb-ı rahmeti küşâde eylediler.