[Ü3 81b] Vezîr ʿAlâʾeddîn Paşa'ya Ordu-yi hümâyûn'da Erzurum Eyâleti tevcîh olunmuşiken, bi-hasebi'l-iktizâ eyâlet-i mezkûre Vezîr Battâl Hüseyin Paşa'ya bu tarafda ilhâk olunup, âhar bir eyâlet ile kayırılması husūsu mukaddemâ Sadrıaʿzam hazretleri tarafına tahrîr olunmuşidi. Binâ'en-ʿalâ-zâlik Vezîr-i müşârun ileyhe Karaman Eyâleti ve selefi Kāyim-makām-ı esbak Dervîş ʿAbdullah Paşa'ya Kandiye Eyâleti ve selefi Vezîr Hakkı Mehmed Paşa'ya Eğriboz Sancağı tevcîhi telhîs ve mûcebince menâsıb-ı mezkûre müşârun ileyhime tahsîs olundu.