Sadr-ı refîʿü'l-kadr-ı Meşîhat'den mütehâfit olan zevât-ı kirâmın birer mahalle me'mûriyyetleri ekser evkātde ʿâdet olduğundan, Şeyhulislâm-ı sâbıkın dahi bir müddet mahall-i âharda ikāmeti havâlî-kerd-i zamîr-i Pâdişâhî olup, mahdûmu Hafîd Efendi hakkında dahi tamaʿa dâyir güft-gû-yı nâs mütekessir ve bâ-husûs Anadolu Pâyesi'ne irtikāsı ricâl-i tarîkını mütekeddir etmekle, işbu Saferü'l-hayrın yirminci günü pederi refâkatiyle Burusa'ya tagrîb ve İstanbul Pâyesi'nde tekaddüm eylediği sekiz nefer eskileri Anadolu Sadâreti'ni ihrâz eylemedikçe, Rütbe-i Sadâret'ine iʿtibâr olunmamak sûretiyle te'dîb olunup, mukaddemâ ber-vech-i vedîʿa Şeyhulislâm-ı sâbıkda tevkîf olunan Tırnova arpalığı müşârun ileyhe ibkā ve mutasarrıf olduğu arpalıklardan Güzel-hisâr fekk olunup, Velî Efendi-zâde'ye iʿtâ olundu.