Dergâh-ı ʿâlî kapucu-başılarından olup, tevcîhâtda Baş-bâkī Vekîli nasb olunan Hüseyin Bey, erbâb-ı istîfâ ile min-gayr-i vechin muʿâraza vü gavgādan hâlî olmadığından gayrı, emr-i tahsîlde rehâveti zâhir ve ʿazli müstasveb-i ekâbir olduğuna binâ'en, işbu Saferü'l-hayr evâyilinde mûmâ ileyh ʿazl ile tezlîl ve vekâlet-i mezkûre Dergâh-ı ʿâlî kapucubaşılarından sâbıkā Surre Emîni olan Mehmed Ağa'nın dûş-i istikāmetine tahmîl olundu.