Sâbıka Kuban Hânı Baht Girây Hân'ın dâhil-i dâyire-i ehl-i bagy ü şekā olan Halîl Paşa ile Bergos'a imdâd sûretinde duhûl ü vülûcu ve baʿdehû münferiden hurûcu şübhe îrâs ve beyne'n-nâs güft-gû ihdâs eylediğine binâ’en, Hân-ı müşârun ileyhin fîmâ-baʿd o havâlîde meks ü ikāmeti tehcîn ve bir mahalle tagrîbi tahsîn olunup, ancak bu hılâlde vukūʿ bulacak me'mûriyyeti zihnini tahdîş eyleyeceği müberhen ve havfa tebaʿiyyet ile bir semte ʿazîmeti müteyakkın olmağla, husûs-ı mezkûr o havâlîye me'mûr Kapucu-başı Sâlih Bey ile istimzâc ve ser-rişte vermeyecek tedbîr ile müşârun ileyh çiftliğinden ihrâc olunup, Tekfürdağı'ndan bir kayığa vazʿ ve Midilli Cezîresi'ne iclâ ve Âsitâne'de bulunan birâderi [Ü1 278a] Mehmed Giray dahi bi-tarîkı'n-nefy Rodos'a isrâ olundu.