Sâbıkā Sadrıaʿzam Kāyim-makāmı Vezîr Ebûbekir Paşa'nın mukaddemâ Vezâret'i ref ve Tekfürdağı'nda ikāmeti irâde olunmuşidi. Müşârun ileyhin kurb-i Âsitâne'de ikāmeti tabʿ-ı Sadâret-penâhî'ye muvâfık olmayup, Rodos'a meʾmûriyyetini ibdâl ve bu mazmûnda Ordu-yi hümâyûn'dan tuğrâlı fermân irsâl etmekle, Zaʿîm mübâşereti ile müşârun ileyh Tekfürdağı'ndan hareket ve meʾmûr olduğu cânibe ʿazîmet eyledi.