Sadrıaʿzam ve Serdâr-ı ekrem hazretleri bu tarafdan hareket buyurduklarında, Selânikî Hasan Ağa'yı Nüzül Emîni nasb edüp, ilâ-hâze'l-ân hıdmet-i mezkûre ile imrâr-ı ezmân eyler idi. Ancak mûmâ ileyh ʿillet-i hummâya mübtelâ ve bi'z-zarûre ʿacz ü tesâmuhu hüveydâ olduğunu Sadrıaʿzam hazretleri inhâ ve Çapân-oğlu Kapu Kethudâsı Mustafa Bey'in Nüzül Emâneti'yle Ordu-yi hümâyûn'a taʿyîn olunmasını tasvîb ve işbu Şaʿbânü'l-muʿazzam'ın on yedinci günü mîr-i mûmâ ileyh Kapu'ya ihzâr ve hilʿati ilbâs olunup, orduya tesrîb olundu.