Bundan akdem Kârhâne'de vâkiʿ ihrâk sebebi ile nefy ve bir müddetden sonra ıtlâk olunan Top ʿArabacı-başısı Tâhir Ağa'nın kemâ-kân hıdmet-i mezkûrede istihdâmı istihsân olunup, işbu Cumâdelûlâ'nın yirmi beşinci günü Hasan Ağa ʿazl ü tenkîb ve mûmâ ileyh mansıb-ı mezkûr ile tatrîb olunup, ʿArabacılar Kâtibi Fethî Efendi'nin ʿazli dahi Îrâd-ı Cedîd Defterdârı tarafından tasvîb ve mukaddemâ Defterdâr Mektûbçuluğu'ndan ʿazl ü tecnîb olunan Saʿdullah Efendi Cumâdelâhire'nin sekizinci günü ʿArabacılar Kitâbeti ile tatyîb olundu.