Korfa Kalʿası teshîrinden sonra Rûsiyyelü mekāsıd-ı kâminelerini isticlâb içün Donanma-yı hümâyûn'u istishâb ve Malta teshîri gibi bir emr-i müşkilde asker-i İslâm'ı itʿâb [Ü1 249b] eyleyecekleri, karâyin-i hâliye ile maʿlûm-i erbâb-ı elbâb olup, bu mehlekeden donanmayı tahlîs müteʿassir ve sırran ve ʿalenen iʿâdeleri husûsuna teşebbüs tehaffuzî ve tedâfüʿî olan ittifâka muhill ü muzırr olup, bu dağdağa-i hâtır-fersânın ahsen-i vechile indifâʿına evliyây-ı devlet muntazır iken, cenâb-ı Rabbü'l-erbâb tehyi'e-i ʿilel ü esbâb eyleyüp, ʿahd-i iztırârî ve şart-ı gayr-i ihtiyârî ile serserî geşt-i deryây-ı ıztırâb olan Donanma-yı hümâyûn'u istiʿmâl-i eyâdî-yi bîgâneden vâreste eyledi.