Medîne-i münevvere Kadısı Başmakcı-zâde es-Seyyid ʿAbdullah Efendi vefât etmekden nâşî, müddet-i mahlûlesi on dört senesi gurre-i Receb'inden ber-vech-i mansıb zabt ve rütbesi gurre-i mezbûreden iʿtibâr olunmak üzere Şâm Kadısı olan İsmaʿîl Bey-zâde Mîr ʿAbdullah Efendi'ye ve Mekke-i mükerreme Kazâsı, on beş Muharrem'inden zabt ve rütbesi târîh-i emr-i ʿâlî'den muʿteber olmak üzere sâbikā Burusa Kadısı ʿUşşākī-zâde hafîdi es-Seyyid Mehmed Saʿîd Efendi'ye ve Medîne-i münevvere Kazâsı, kezâlik on beş Muharrem'i gurresinden ve rütbesi zabtı gününden muʿteber olmak üzere Edirne Pâyesi olup, sâbıkā Galata Kadısı olan Dağıstânî-zâde ʿÎsâ Efendi'ye ve Şâm-ı şerîf Kazâsı, Ramazân gurresinden ber-vech-i mansıb [Ü1 243b] zabt ve yevm-i zabtından rütbesi muʿteber olmak üzere sâbıkā Üsküdar Kadısı Hırka-i şerîfe Şeyhî-zâde es-Seyyid ʿAbdullah Efendi'ye tevcîh ü ihsân ve yedlerine başka başka emr-i ʿâlî-şân iʿtâsıyla memnûn ü cezlân kılındılar.