Devlet-i ʿaliyye-i ebediyyü'd-devâm hilaʿ-ı ribka-i itāʿat eden niçe erbâb-ı tegallüb ü tesallutu yâ ʿâcilen veyâ âcilen pâ-fişürde-i hufra-i inʿidâm edegeldiği mücerreb-i hâss u ʿâmm olduğundan fazla, debdebe-i Vezâret çok kerre erbâb-ı nahvet ü tuğyânı tarîk-ı müstakīm-i ʿadl ü insâfa delâlet ve tebeʿât-ı sabıkasını tezkîr ile gark-ı [Ü1 234a] ʿarak-ı mahcûbiyyet [Ü3 25a] edüp, ihlâs-1 tâmm ile tahsîl-i rızâya ilcâ ve telâfi-yi mâ-fâta tahrîz u iğrâ eyleyeceği mütehakkıku'l-vukūʿdur. Kaldı ki, o makūle erbâb-ı ʿukūk terk-i riʿâyet-i hukūk edüp, me'sem-i güzeştesinden tâyib ve mehaccetü'l-hakk-ı sedâd u savâba zâhib olmadığı sûretde bi-hikmetillâhi Teʿâlâ muʿammer ü pâydâr olmayup, müddet-i kalîlede şecere-i habîse-i hayâtı berkende-i rîh-i sarsar-ı fenâ ve harmen-i ʿömr-i zûd-güzârı direvîde-i dâs-ı hükm-i kazâ olacağı kâr-âzmûdegân-ı rüzgâra zâhir u âşikârdır.