Darb-hâne-i ʿâmire Emîni olan ʿİffet Mustafa Beyefendi bir müddetden berü mübtelâ olduğu illet-i dîku'n-nefesden nefsini tahlîse çâre bulamayup, işbu Zilkaʿde evâyilinde nefes-i vâpesînî hurûc ve sûy-ı âsumâna ʿurûc edüp, münhall olan mansıbı Sâhib-i ʿayâr Bekir Efendi'nin dâmâdı olup, dekāyık-ı Dâru'd-darb-ı ʿâmire'ye âşinâ ve dâ'imâ tahsîl-i meʿârif ile tezkiye-i nefse iʿtinâ üzere olan Ahmed Efendi'ye tevcîh ile hakkında “Vâfeka Şennün Tabaka" meseli icrâ olundu.