“Bostancı-oğlu” nâm kimesne bir müddetden berü Burusa'da kesb-i şöhret ve ehâlî-yi memleket mazarratından mücânebet ile re'yine inkıyâd ü mütâbeʿat ve bu sebeble reʿâyâ ve fukarâya itâle-i dest ve teʿaddî [Ü2 212a] vü hasâret etmekle, emr-i istîsâli Burusa Mütesellimi'ne sipâriş olunmuşidi. Mütesellim-i mezbûr fursat-yâb ve şakī-yi merkūmu küşte-i seyf-i âteş-tâb edüp, rufekāsı müteferrik ve ele geçenlerinin câme-i hayâtı mütemezzik olduğu haberi Der-i devlet-medâr'a vârid oldu. [Ü1 196a]