Dîvân-hâne Tercemânlığı'ndan Eflâk Voyvodası olan Hançerli-oğlu Kostantin umûr-ı mülkiyyeye muzırr harekâta mütecâsir olduğundan gayri, celb-i mâl-i reʿâyâ zımnında tertîb-i dâm ü firîb ve Eflâk memleketini bu cihetlerle tahrîb eylediği teftîş ü tenkīb olunup, Voyvodalık'dan fi'l-hâl ʿazl ve hılâl-i râhda katl olunup, sâbıkā Eflâk Voyvodası Aleksandra, Voyvoda nasb ü taʿyîn ve sâbıkā Boğdan Voyvodası Mihal gāliben Voyvodalığ'a ʿamel etmiş bulunup, merâmı husûl bulmadığından, bir mahalle nefyiyle hasmını ırzâ iktizâ etmekle, evvelen Burusa'ya ve sâniyen Bozca-ada'ya iclâ olundu.