Tersâne-i ʿâmire'de inşâ olunan altmış [Ü2 210b] üç buçuk zirâʿ bir kıtʿa kalyon ve iki kıt'a bombanın fazl-ı Hakk ile tekmîli Bâb-ı ʿâlî'ye ifâde olunup, şehr-i mezkûrun sekizinci İsneyn günü Sadrıaʿzam ve Şeyhülislâm Efendi hazerâtı ve sâyir huzûru muʿtâd olanlar Tersâne'ye cemʿ olup, kudûm-i feyz-lüzûm-i hazret-i Şehinşâhî ʿakabinde zikr olunan kalyon ve bombalar rûy-i deryâya ber-vech-i sühûlet nüzûl edüp, müşârun ileyhimâ hazerâtına muʿtâd [Ü1 194b] üzere kürkler ve sâyirlerine hilʿatler ilbâs olundu.